Во Нови Сад се одржува протест по несреќата на железничката станица кога се урна бетонска настрешница и загинаа 14 лица.
На самиот почеток на протестот, насобраните граѓани со едноминутно молчење за настраданите во несреќата на Железничката станица во Нови Сад.
Меѓу присутните се советници од опозицијата, претставници на студентските организации.
Актерката Весна Печинар одржа говор во кој ја повика власта и побара одговорност. Таа ги повика насобраните да почнат со прошетка до Градското собрание.
Како што рече единствениот говорник на овој протест, неопходна е одговорност за трагедијата на Железничката станица на 1 ноември, барајќи оставка од поранешниот министер Томислав Момировиќ, како и од премиерот Милош Вучевиќ и претседателот Александар Вучиќ.
Пред протестот се случи бунт пред просториите на СНС во Нови Сад, кога студенти од неформалните организации како и Миран Погачар од движењето „Браво“ истурија боја на излозите, ги симнаа неколку закачени знамиња и залепени плакати со сликите на министрите и премиерот.