Полициската управа во Суботица потврди дека се пронајдени две тела на мигранти во рок од два дена. Со оглед на тоа што телата имаат рани од куршуми и нож, се верува дека се убиени.
Засега, полицијата се сомнева дека двајцата се убиени во конфронтација меѓу мигранти. Имено, често се случува групи мигранти да се тепаат меѓусебно, а во овие тепачки често има и жртви.
Првото тело, очигледно, било пронајдено во петок, на 16 мај, а второто на 17 мај. Еден мигрант имал четири прострелни рани по телото, како и убодни рани.
– Телото што беше пронајдено во саботата, исто така, имаше рани од куршуми. Тоа тело беше скриено во шумата и покриено со лисја. Се претпоставува дека двајцата биле убиени во истата конфронтација, само едно тело било пронајдено еден ден подоцна – велат од полицијата.