Откако 160-те рудари од јагленокопот „Ѓурѓевиќ“ денеска околу 11 часот го напуштија окното, во кое беа забарикадирани од понеделникот на 250 метри под земја, директорот на рудникот и претставници на синдикатите потпиша договор за извршување на барањата на рударите.
Рударите го започнаа штрајкот барајќи оставка на раководството и исполнување на договорот постигнат меѓу Владата и рударите, за воведување нови правила за заштита при работа и за зголемување на платите.
Откако надлежните служби ќе извршат безбедносни проверки рудникот треба да почне да работи со полн капацитет утре во седум часот.
Рудникот за јаглен „Ѓурѓевиќ“ е дел од државната електроенергетска компанија „Електростопанство“. Во рудникот работат повеќе од илјада лица, кои произведуваат околу 600.000 тони јаглен годишно за потребите на термоелектраната „Тузла“.