Припадници на Министерството за внатрешни работи во Ниш, во соработка со Вишото јавно обвинителство, разбија мрежа за нелегална трговија со оружје, при што се уапсени три лица.
Неофицијално, осомничени се двајца браќа, од кои едниот е вработен како пожарникар, а другиот е цивил. Истражителите се сомневаат дека клучен дел од шверцуваното оружје, вклучувајќи пиштоли и рачни гранати, потекнува од магацинот на Полициската станица Дољевац.
Според неофицијални информации, двајцата браќа го продавале оружјето по цени од 700 до 2.000 евра.
Иако дел од оружјето било продадено во Србија, се верува дека поголемиот дел од него завршил на црниот пазар во странство. Полицијата тврди дека сега осомничените влегле во полицискиот магацинот и земале дел од оружјето.
Во официјално соопштение, Министерството за внатрешни работи ги потврди деталите од операцијата и заплената:
„М. М. (1997) од Ниш е уапсен под сомнение за нелегално производство, поседување, носење и трговија со оружје и експлозиви. При претрес на напуштена куќа, која М. М. ја користел како скривалиште, полицијата пронајде вистински арсенал: три пиштоли, седум рачни гранати, четири пригушувачи, четири рамки за пиштоли и 201 куршум. Уапсени се и две жени, осомничени за помагање и поттикнување, соопшти српската полиција.