Министерството за внатрешни работи на Србија распиша меѓународна потерница по Мурат Шабановиќ, воен командант на Вториот баталјон на Првата подрињска бригада на армијата на БиХ, поради тероризам, изјави шефот на Кабинетот на директорот на Дирекцијата за координација на полицијата во БиХ, Мирела Знаор.
Јавноста на поранешна Југославија го памети Шабановиќ по драматичната ситуација во Вишеград, кога во април 1992 година се закани дека ќе ја крене во воздух браната на реката Дрина и ќе поплави се до Белград.
Со оглед дека Шабановиќ е државјанин на БиХ , меѓународната потерница е немоќна на тоа подрачје – изјави Знаор, која не прецизира за кое точно кривично дело Србија го обвинува Шабановиќ,кој од повеќе извори добил потврда дека го бараат од Интерпол.
Елена Георгиевска