Околу 20 лица завршија во болница поради излевање на амонијак од камион цистерна на паркингот на компанијата Сага во Панчево вечерта од четврток кон петок, а меѓу жртвите има и деца.
Од Н1 известуваат дека на сите граѓани кои имале симптоми на труење поради вдишување гас им било дозволено да си одат дома по укажаната лекарска помош.
– Две лица беа на кислород, но им беше дозволено и да си одат дома. Ниту еден од пациентите не покажа знаци на акутно труење со амонијак, но имаше поблаги поплаки. Сега се чувствуваат добро и сите се пратени дома – изјави за Данас.рс директорот на Општата болница Панчево, Слободан Овука.
Камионот-цистерна бил паркиран до индустриска пруга која не е јавна железница, а по излевањето на амонијак жителите биле евакуирани од десетина куќи.