Од мајските, па се до најновите поплави во БиХ, пронајдени се повеќе од 80 мини и други експлозивни направи кои реката Сава ги донела на подрачја каде претходно ги немало.
– Најмногу се пронајдени бомби и мини, но водата донела и оржје од типот „зоља“ и „оса“, изјави шефот на Регионалната канцеларија на Центарот за отстранување на мини во Брчко, Есед Алетиќ.
Тој истакна дека по поплавите оружјето најмногу е откриено долж реката Сава, на подрачјето на Шамац и Брчко.
Поплавите ги уништиле и плочите за предупредување за опасност од мини, па затоа е упатен повик до жителите да бидат внимателни.