Припадниците на МВР по 27-часовно детално пребарување на теренот во потрага по двегодишната Данка Илиќ во приградската населба Бањско Поље и Брестовачка бања, ги прекинаа понатамошните претреси, со оглед на тоа што сите досегашни резултати укажуваат на тоа дека девојчето не е во оваа област од околу 10 квадратни километри.
Полицијата ја продолжува интензивната оперативна работа за утврдување на сите факти и околности поврзани со исчезнувањето на девојчето, за што јавноста ќе биде навремено информирана.
Во изминатите 27 часа во потрагата по Данка Илиќ, чие исчезнување беше пријавено вчера, учествуваа повеќе од 500 припадници на МВР – Жандармерија, Општа надлежност полиција, Управа за криминалистичка полиција, Техничка управа, хеликоптерска единица, Одделението за вонредни состојби, Управата за сообраќајна полиција, Полициското одделение Бор, како и Планинарската спасувачка служба и припадници на доброволната противпожарна единица.
Денеска беше соопштено и дека полицијата го истражува приватниот живот на семејството. Ова е неопходно и поради фактот што се уште се нејасни околностите за исчезнувањето на Данка Илиќ.
Еве како мајката на Данка Ивана Драгомировиќ го опиша моментот на нејзиното исчезнување:
– Живееме во Бор. Ги донесов (во Бањско поле) да трчаат и да се прошетаат. Моите родители се оттука и јас често престојував таму како дете. Кога се свртев, ја немаше. Уште нема две години, во мај ќе наполни две години. Не зборува уште. Ја повикував, но таа не ми одговори. Во близина има една шума. Се молам на Бога да ја најдеме што побрзо!
Ovo je snimak kamere sa komšijske kuće u vreme Dankinog (2) nestanka pic.twitter.com/Thng7AILyV
— larakorft (@larakorft1) March 27, 2024
Милан Илиќ, дедото на исчезнатата Данка, раскажа што знае за моментот на нејзиното исчезнување:
– Сопругата на мојот син беше со децата во дворот на нејзиниот татко. Тој ми се јави. Така дознавме. Данка е златно дете, мирно, тивко, добро дете кое може да му пријде на секого, нема да одбие, не се воздржува.
Околностите на исчезнувањето на Данка Илиќ покренуваат многу прашања:
Како едно мало девојче кое штотуку ќе наполни две години во мај исчезна толку брзо?
Ако е така, како уште побрзо ја избегнала потерата на стотици полицајци и спасувачи?
Дали постои можност некој да ја намамил, да ја измамил, да ја киднапирал?
Милан Илиќ, дедото на исчезнатото девојче, денеска за вестите на телевизија Блиц изјави дека почнува да се сомнева дека Данка Илиќ е киднапирана. Од друга страна, детективот Миле Новаковиќ вели дека тоа му е незамисливо.
– Не ми се верува дека би било можно некој да киднапира толку мало дете, особено во некое зафрлено село. Што се крие зад тоа ќе дознаеме денеска или за неколку дена. Двегодишно дете не може така лесно да се извлече од дома, тие (спасувачите) веројатно ги провериле тие критични места, дупки, бунари и друго – вели Новаковиќ за „Блиц“.
Данка Илиќ (2) исчезна во вторникот на 26 март околу 13 часот во приградската населба Бањско Поље кај Бор.
Поради исчезнувањето на Данка Илиќ (2), синоќа за прв пат во Србија е активиран системот популарно наречен „amber alert“, официјално наречен „Најди ме“, кој итно ја известува јавноста за исчезнувањето на дете.