Хрватскиот премиер Андреј Пленковиќ, најави дека верува оти само силна Украина може да постигне квалитетен исход од мировните преговори, што е во интерес и на Хрватска и на цела Европа.
„Затоа, важно е да продолжиме да обезбедуваме воена, економска, хуманитарна и дипломатска помош, вклучително и споделување на хрватското искуство од процесот на мирна реинтеграција на хрватскиот дунавски регион. Притоа, ние инвестираме во сопствената безбедност, како и во економската и социјалната стабилност“, напиша Пленковиќ на платформата Икс.