Владата на Црна Гора го утврди предлог-законот за ратификација на Протоколот за пристап на Република Северна Македонија во НАТО и го достави до Парламентот за усвојување во итна постапка.
– Владата на Црна Гора на првата седница по стапувањето на сила на Договорот од Преспа го утврди Предлог-законот за ратификација на протоколот за пристап на Република Северна Македонија во НАТО и го достави до Парламентот на усвојување по итна постапка, објави на својот Твитер-профил Владата на Црна Гора.
At its first session after the entry into force of the #PrespaAgreement, the Government of #Montenegro passed the Proposal of the Law on the ratification of the Accession Protocol of the Republic of Northern Macedonia to the North Atlantic Treaty #WeAreNATO @Zoran_Zaev @VladaMK pic.twitter.com/rw3LISar7k
— Govt. of Montenegro (@MeGovernment) February 14, 2019
Премиерот на Црна Гора Душко Марковиќ, во својата порака вели дека со овој чин Црна Гора ја потврдува својата досегашна поддршка на земјата, која ќе биде дополнителен фактор за стабилност во регионот и неговата евроатлантска перспектива.
– Ова е важен момент. Со задоволство искажуваме желба нашата пријателска земја што побрзо да го заврши пристапнот процес и да стане 30. членка на НАТО, се вели во изјавата на Марковиќ на „Твитер“.