Претседателката на Косово, Вјоса Османи, денеска изјави дека имала неформална средба со претседателот на Србија, Александар Вучиќ. На средбата од Приштина било побарано да се одржат нови избори на северот на Косово.
По вториот самит на лидерите на европската политичка заедница, Османи пред новинарите изјави дека средбата е на иницијатива на францускиот претседател Емануел Макрон и германскиот канцелар Олаф Шолц.
– Не планирав да се сретнам со Вучиќ. Не е прв пат да се сретнеме со Вучиќ на ваква средба. Но, морам да кажам дека оваа средба, која се одржа на инсистирање на претседателот Макрон и канцеларката Шолац, не беше преговарање, туку средба на која разменивме мислења – рече Османи.