Лекот „Ремдесивир“, кој се покажа ефикасен во борбата против коронавирусот, од денеска ќе биде достапен за граѓаните на Србија, пренесува „Блиц“. Тој ќе се дава исклучиво со конзилијарна одлука и во одредена фаза од болеста.
Овој лек моментално е клучен во лечењето на Ковид-19.
Директората на Републичкиот фонд за здравствено осигурување, Сања Радојевиќ Шкодриќ, за РТС изјави дека станува збор за многу скап лек кој се дава само во одредена фаза од болеста и дека во Србија тој ги поминал сите процедури.
„Ремдесивир“ беше користен и при лечењето на американскиот претседател Доналд Трамп кој беше позитивен на коронавирусот.