Новиот српски министер за одбрана Братислав Гашиќ денеска изјави дека наспроти сите мерки за консолидирање на финансиите и економијата на Србија и понатаму ќе продолжи модернизацијата на српската армија, јави Танјуг.
– Модернизацијата треба да продолжи првенствено бидејќи во Армијата има многу голем потенцијал во кадровски аспект, истакна Гашиќ.
Според него тоа е во рамките на рационализирањето на трошоците од сопствени средства на армијата да бидат подобрени одредени објекти со цел да се подобри квалитетот на животот на војниците и офицерите.
Во следниот период ќе водиме многу билатерални разговори, поврзани со меѓународната воена соработка со голем број пријатели во Европа и Светот, истакна тој.
Гашиќ најави и понатамошно учество на српските војници во мировните мисии, истакнувајќи дека тоа е целта, српската армија како една од најдобро организираните и најдобро опремените во кадровска смисла да биде вклучена колку што може повеќе во овие мисии.