Во Подгорица е тешко да се дише, а уште повеќе по најновите пожари што избувнаа на неколку локации вечерва, објавува Вијести.
Началникот на противпожарната служба на Подгорица, Никола Бојановиќ, изјави дека голем пожар е активен во Горна Горица, кој вечерва го затвори и главниот пат кон Никшиќ, а во меѓувреме, пожари избувнаа и во Кокоти, Смоковац, Кучи, Зета, Дахна…
Бојановиќ вели дека вечерва имаат ново жариште во Пипери, откако пожарот во Ѓурковиќи беше делумно ставен под контрола попладнето.
Пожарникарите вложуваат натчовечки напори во обидот да го изгаснат пожарот и се плашат што ќе донесе претстојната ноќ и нивниот сегашен најголем непријател – силниот ветар.
Пожарот што денес избувна во Чањ е под контрола, а неколку противпожарни екипи се дежурни на терен вечерва од превентивни причини, објави раководителот на службата за заштита и спасување во Бар, Ацо Вулевиќ.