Во Хрватска во август е регистриран пад на стапката на невработеност на 17,5 отсто во спортедба со јули кога изнесувала 17,8 проценти.
Невработеноста во август е најниско ниво од јули 2012 година, покажуваат податоците на хрватскиот Државен завод за статистика.
Во споредба со август минатата година, стапката на навработеност е помала за 0,9 отсто.
Тоа е шести месец по ред како стапката на невработеност на месечно ниво се намалува, што се должи на сезонските вработувања, пред се во туристичкиот сектор.
Во август се регистрирани 289.889 невработени лица, што е 2,1 проценти помалку во споредба со јули, а 7,6 отсто помалку во споредба со август минатата година.