Нешо: „Не“ од Северна Македонија ќе го одложеше отворањето на преговорите на Албанија за уште една деценија

Од:

Албанскиот дипломат Агим Нешо смета дека Албанија имала среќа што од преговорите излегла деблокирана како резултат на одговорноста на македонскиот Парламент, но и на геополитичката одлука на ЕУ да ги има Албанија и Северна Македонија како нејзин дел.

За „Ора њуз“ тој изјави дека доколку „нашиот сосед кажеше „не“ тоа би значело уште една изгубена деценија за Албанија во преговорите“.

-Отворањето на преговорите се чини дека доби зелено светло од одговорното однесување на Собранието на Северна Македонија. Тоа е чин кој има цена поради проблемите во земјата поврзани со националниот идентитет. Но, Северна Македонија избра безбеден пат, европската перспектива. Нивната одлука е во наш интерес. Денеска меѓународниот печат пишуваше дека доколку македонскиот парламент кажеше не, отворањето на преговорите можеше да се одложи за уште една деценија. Имаме среќа, оцени Нешо.

Според него, неопходна е потребата Албанија да ги отвори преговорите и да биде под контрола на европските вредности и принципи.

– Ова е само отворање, зрак надеж, што покажува дека за Албанија, без оглед на исполнетите или неисполнетите задачи што ги има, постои политичка волја од земјите на ЕУ кои бараат што поскоро Западен Балкан, особено Албанија и Северна Македонија, да бидат дел од неа, констатира албанскиот дипломат.

Извор: МИА

Би можело да ве интересира

МАЕИ бара јавно извинување за етикетирање на македонската заедница во Албанија како „Северномакедонци“, од албанската амбасадорка во Софија

Муцај: Сигурен сум дека Македонија ќе најде решение со Бугарија

Албанија – прва земја од Балканот која го забранува ТикТок

А1он

Мицкоски: Граѓаните да не наседнуваат на провокации, упатувам порака за единство и смиреност

Во Албанија уапсен е водач на картел по запленувањето на 703 килограми хероин

Рама: Извештајот за напредокот на Албанија за 2024 година најпозитивен до сега

А1он