Оштетувањето на авионот на „Кроација ерлајнс“ кој синоќа слета во Сараево не настанало од огнено оружје, како што првично се шпекулираше, туку е предизвикано од механички удар.
„По истрагата, според прелиминарните наоди на експертите, нема индиции што би укажале на заклучокот дека штетата на леталото е предизвикана од огнено оружје“, се вели во соопштението на Обвинителството на БиХ.
Според истиот извор по анализи на лице место, утврдено е дека на трупот на авионот нема траги од барутни честички или други траги кои би укажале дека штетата е предизвикана од употреба на огнено оружје.
„Според експертите, штетата е предизвикана од механички удар“, се вели во соопштението на Обвинителството на БиХ.
Авион на „Кроација ерлајнс“, кој синоќа летал на релација Загреб-Сараево, откриено е дека бил оштетен во првото соопштение на Обвинителството на БиХ, беше наведено дека „постои можност да е нанесено со куршум од огнено оружје“.