Командата на здружените сили на НАТО во Неапол соопшти дека започна распоредувањето на дополнителни сили на Косово како поддршка на силите на КФОР.
„НАТО распоредува дополнителни сили во Косово, како одговор на неодамнешните немири и ранувањето на 30 припадници на силите на НАТО за Косово. НАТО нареди распоредување на Оперативниот резерват на своите сили (ОРФ) на Западен Балкан, кои беа на седумдневна тревога“, се наведува во објавата на Здружената команда на силите на Твитер.
На дополнителен баталјон на мултинационалните резервни сили му беше наредено да го намали статусот на подготвеност за распоредување од четиринаесет дена на седум дена, за да бидат подготвени да го засилат КФОР доколку е потребно.
NATO Deploys Additional Forces to Kosovo Force
In response to recent unrest and the injury of 30 members of
NATO’s Kosovo Force, NATO has directed the deployment of the Operational Reserve
Forces (ORF) for the Western Balkans, which was on a seven-day readiness-to-deploy
status.— NATO JFC Naples (@JFC_Naples) May 30, 2023
Распоредувањето на дополнителни сили на НАТО на Косово е мерка на претпазливост за да се осигура дека КФОР ги има потребните капацитети за одржување на безбедноста во согласност со нашиот мандат од Советот за безбедност на ОН. Сакам да го пофалам КФОР за преземањето брзи, воздржани и професионални активности за да се запрат немирите и да се спасат животи. Насилството мора да престане и сите страни мора да престанат да преземаат дејствија кои го поткопуваат мирот во сите заедници во Косово“, рече командантот на Здружената команда на сојузничките сили во Неапол, адмирал Стјуарт Мунк.
Командата на НАТО во Неапол објави дека внимателно ја следи ситуацијата во Косово и дека ќе продолжи да се координира со КФОР за да се осигура дека ги има сите потребни сили и способности што му се потребни за непристрасно да обезбеди безбедна средина и слобода на движење за сите заедници. , а во согласност со својот мандат врз основа на Резолуцијата 1244 на Советот за безбедност на ОН од 1999 г.