Турските власти соопштија дека денеска пронашле тела на 34 мигранти, од кои најмалку три деца, на две локации на брегот на Егејското Море, додека се обидувале да пристигнат до грчкиот остров Лезбос.
Мигрантите се удавиле откако се превртеле нивните пловни садови во немирното море, а засега не се знае ниту за колку бродови станува збор, ниту колку луѓе се наоѓале на нив.
Турската крајбрежна стража истакна дека 24 тела се пронајдени на брегот во областа Ајвалик, додека 10 тела се откриени на подрачјето Дикили.
Спасени се 12 луѓе од морето и карпите во Ајвалик, а три бродови и хеликоптер се во потрага по преживеани.