Никола П.(25) кој беше тешко повреден со неговата сестра во експлозијата што се случи синоќа во Смедерево, е во стабилна состојба.
Тој со тешки повреди е пренесен во Ургентниот центар во Белград, а во експлозијата се здобил со тешка повреда на десното око.
Експлозијата се случи во четвртокот околу 20.30 часот во станбена зграда на улицата Слобода во Смедерево.
Истражителите се сомневаат дека сопственикот на станот Ѓорѓе А.(56) дошол во станот во кој живееле братот и сестрата и поради претходно неплатени сметки за кирија активирал неколку килограми експлозив.
Нивниот татко и ќерката на Миљана ја избегнале трагедијата. Тие излегле од станот неколку минути порано.
Во експлозијата е уништен покривот, како и неколку други станови во зградата.