Хрватскиот претседател Зоран Милановиќ, повтори дека хрватските војници нема да одат во Украина, а прати порака до Владата и премиерот Андреј Пленковиќ дека можат да продолжат да му помагаат на официјален Киев, но дека според Уставот тој е одговорен за одбраната, националната безбедност и територијалниот интегритет на земјата.
„Хрватски војник нема да оди во Украина под никаков аранжман, тоа е целосно исклучено. Јас водев кампања за тоа и тоа е моја должност на вера кон оние кои ми веруваа. Но, гледам дека така размислуваат и некои од клучните министри во владата на Пленковиќ“, напиша Милановиќ во објавата на Фејсбук и додаде:
„Да не се залажуваме. Хрватската армија нема да оди во мисија, а една од причините е што таа мисија никогаш нема да се случи, со или без Хрватска, бидејќи не се исполнети основните услови за таа мисија – мировен договор и согласност од другата страна, која за жал е Русија. Значи, кога станува збор за учество на Хрватска во мисијата – ние нема да учествуваме во неа. Ако, вели Милановиќ, владата се уште верува дека треба да и пружи материјална и опрема на Украина, нека продолжи да го прави тоа. Јас сум одговорен за одбраната, националната безбедност и територијалниот интегритет на Хрватска, како што вели Уставот.