[staff name=”Eлена Георгиевска” position=”Автор”][/staff]Хрватскиот премиер Зоран Милановиќ денес повтори дека мора да се почитуваат правата на малцинствата и дека кирилицата ќе се воведе како службено писмо во Вуковар.
-СДП е партија која пред повеќе од 20 години одлучи дека ќе ги почитува правата на малцинствата. Ние сме партија на сите хрватски граѓани и затоа мора да ги почитуваме нивните права. Хрватска не се бореше против кирилицата, туку против агресорот – изјави Милановиќ.
Како што пренесуваат медиумите, тој на членовите на партијата во Вараждин им порачал дека СДП е подобра партија од оние кои што мислат дека се единствени што знаат што е хрватски национален интерес.