Мицотакис го уверил Зеленски дека Грција ќе испрати помош и ќе прими бегалци

Од:

Начините за справување со тешките последици од 19-от ден од руската инвазија во земјата, била главната тема во телефонскиот разговор на грчкиот премиер Кирјакос Мицотакис со украинскиот претседател Володимир Зеленски, информираат од кабинетот на грчкиот премиер, јави дописничката на МИА од Атина.

Разговорот бил по иницијатива на украинскиот претседател, а Мицотакис го уверил за целосната поддршка на грчката Влада за испраќање помош и прием на бегалци од Украина.

Станало збор за „драматичната состојба во областите каде што живее грчката заедница и потребата од отворање хуманитарен коридор за безбеден излез, но и пристап до хуманитарен материјал“, а грчкиот премиер изразил интерес за префрлање на безбедно место на грчкиот генерален конзул и на останатите лица што се заглавени во зградата на ОБСЕ во Мариупол.

Мицотакис, како што информираа од неговиот кабинет, истакнал дека Европската Унија минатата седмица од Франција „испрати важна политичка порака за поддршка на европската перспектива на Украина“ и нагласил дека „целосното спроведување на санкциите од сите партнери и сојузници ќе помогне да се изврши притисок врз руската страна да ги запре нападите“.

Украинскиот претседател за телефонскиот разговор со Мицотакис, на „Твитер“ напиша дека ја ценат одбранбената и хуманитарната поддршка на Грција, а дискутирале и за хуманитарните коридори особено во Мариупол, како и за ЕУ перспективата на Украина.

Би можело да ве интересира

Зеленски: Украина нема да ги признае окупираните територии

(ВИДЕО) Големо невреме во Грција, силните ветрови корнеа дрвја, многу автомобили се превртени

Зеленски: Документирани повеќе од 183.000 злосторства од страна на руските сили

А1он

Забрана за сообраќај на возила на грчките острови Парос и Миконос поради поплави и силно невреме

А1он

Зеленски: Ако не сме членка на ЕУ, нема да има договор за експлоатација на ретки минерали

Трамп: Зеленски ќе има големи проблеми ако се повлече од договорот за ретки минерали

Горан Наумовски