Албанскиот претседател Илир Мета, од свое и од име на албанскиот народ упати честитка до новоизбраниот американски претседател Џо Бајден и заменик претседателката Камила Харис.
Во својата порака, шефот на албанската држава ја нагласува вербата дека односите меѓу двете земји ќе продолжат да се развиваат понатаму и оти заедно ќе ја зајакнуваат трансатлантската и соработка во НАТО.
-Албанија ќе продолжи да се потпира на стратешкото партнерство со САД, како витална гаранција за мирот и стабилноста во нашиот регион и за важните глобални прашања, стои во честитката на Мета.
Изборот на Бајден за 46-ти амеркански претседател, и на Харис за потпретседателка, им го честиташе и шефицата на албанската дипломатија Олта Џачка, генералниот секретар на владејачката Социјалистичка партија и координатор на пратенчката група,Таулант Бала како и лидерот на најголемата опозициска сила, Демократската партија, Љуљзим Баша.