Обединувањето на Албанците единствено е во ЕУ, изјави Илир Мета, поранешен албански премиер и шеф на дипломатијата, инаку лидер на партијата Движење за европска интеграција, која е дел од владата на премеирот Сали Бериша.
Оценувајќи дека националистичките изјави се надвор од предизвиците и контекстот во кој живеат Албаниците, тој упати апел да се запре со националистичките шпекулации во Албанија, јави дописникот на МИА.
Според него, Движењето за социјалистичка интеграција, цели кон интеграција, а не кон конфликти.
Најдлабоката бездна на општеството, според Мета, е меѓу политиката на конфликт и соживотот на граѓаните и оти секоја измината минута подалеку од интеграцијата е на штета на албанските граѓани.
– Граѓаните го заслужуваат статусот, а тоа го потврдија со визната либерализација. Граѓаните го скршија скептицизмот на политиката со нивното однесување, изјави Мета на Конвенцијата на партијата во јужниот албански град Ѓирокастро.
Тој меѓу другото зборуваше и за позитивната улога на жената во општеството апелирајќи нејзиниот глас да се слуша доколку сакаме, како што рекол, да одиме со побрз напредок кон нашиот европски сон.