Припадниците на српската гранична полиција вчера го уапсиле 45 – годишниот македонски државјнаин Е.С. кој со својот автомобил се обидел да прошверцува 20 килограми марихуана. Македонскиот државјанин бил фатен на граничниот премин Хоргош на српската државна граница кон Унгарија. Според комндирот на граничната полиција на Србија, Младен Мрдаљ, во изјава дадена за „Танјуг“, со оваа акција полицијата на Србија, спречила меѓународен ланец на криумчарење марихуана.
Е.С. дрогата ја спакувал во 38 пакетчиња и ја сокрил во дупли под од возилото „фолксцваген“ со македонски регистарски таблички. За Е.С. српската полиција одредила 48 часовен притвор.
Ова е втор случај во период од еден месец на ист граничен премин македонски државјанин да пренесува дрога. На идентичен начин, сокриена во дупли под од возило „цитроен“ минатиот месец Нуреден А. 35 – годишен беше уапсен во обид на граничниот премин Хоргош да прошверцува 13 килограми марихуана.