Во голем пожар што ги зафатил бараките од ромската населба во албанскиот град Елбасан животот го загубија мајка и син, едно лице се здобило со тешки изгореници и е во животна опасност а уште неколку се полесно повредени.
Според првичните информации, пожарот избувнал по полноќ во баракате каде се и настраданите, мајката Лумтури Баша (30) и нејзиниот седумгодишен син Кристијан.
Веднаш по избувнувањето на пожарот пристигнале две возила на противпожарната единица на овој град, но поради фактот што станува збор за дрвени бараки тој брзо се ширел.
Благодарение на брзата интервенција на пожарникарите избегната е поголема катастрофа. На местото веднаш пристигнале и поголеми полициски сили, зашто подметнување пожари во ромски населби не е реткост во Албанија. Од првичниот увид избувнувањето на пожарот е несреќен случај.