Хомосексуалниот инфо центар бара да се прекине практиката преку ЛЏБТ популацијата да се условува влезот на Србија во Европската унија.
Сметаат дека таквата практика не донесува резултати, туку само доведува до зголемување на хомофобијата и анимозитетот кај членовите на оваа популација во Србија.
Специјалниот известувач од Европскиот парламент за Србија, Јелко Кацин во магазинот „Корд“ објасни дека едно од клучните барања за српските инситуции е да овозможи одржување на геј паради и дека безбедносниот ризик нема да биде оправдување таа да не се одржи.
-Поради такви изјави нашата популација се бележи како виновник за продолжување на преговорите за влез на Србија во ЕУ.
Бараме од Јелко Кацин и други официјални претставници од ЕУ, подобро да размислат кога наредниот пат ќе даваат изјава за последиците кои што може да ги предизвикаат – порачаа во соопштението.