Рускиот министер за надворешни работи Сергеј Лавров ќе пристигне во Белград во вторник на 7 јуни, јавуваат српските медиуми.
Тој ќе има средби со српскиот државен врв, а се очекува на средбата со претседателот Александар Вучиќ на маса да бидат сите горливи теми, од настаните во Украина и позицијата на Србија кон оваа криза, преку ситуацијата во регионот и економската соработка во светло на санкциите што Западот ги воведе кон Москва.
Ова е прва посета на висок руски функционер на Србија од избувнувањето на украинската криза, а доаѓа во време кога Европската унија го подготвува најтешкиот пакет санкции, што Србија како единствена во Европа, досега не се приклучила.