Курти ги поддржа САД по нападот врз Иран: Тоа е наш пријател, демократска суперсила која треба да се поддржи

Од:

Косовскиот премиер Албин Курти реагираше откако САД ги нападнаа нуклеарните постројки во Иран.

„Меѓународната безбедност има потреба од помалку нуклеарно оружје, а не повеќе нуклеарни бомби кои го загрозуваат целото човештво. Особено кога авторитарните држави развиваат програми за нуклеарно оружје, ова прашање станува итно и алармантно“, рече Курти.

Тој додаде дека Косово ја поддржува позицијата на САД и Европската Унија во врска со програмата на Иран за обезбедување нуклеарно оружје.

„САД се наш главен сојузник, незаменлив партнер и посебен пријател. Република Косово е цврсто решена да ги заштити демократските и евроатлантските вредности. САД се демократска суперсила која треба да се поддржи“, заклучи Курти.

Во ноќта на 22 јуни, американскиот претседател Доналд Трамп објави дека САД извршиле успешен напад врз „три нуклеарни постројки во Иран, вклучувајќи ги Фордо, Натанц и Исфахан“.

Тој изјави дека Техеран треба да се согласи да го прекине конфликтот. Пред тоа, од 13 јуни, Израел секојдневно изведуваше напади врз Иран, наведувајќи како цел уништување на ракетните и нуклеарните програми на земјата.

Би можело да ве интересира

Калил ал-Хаја: Ниту секунда не му веруваме на Израел

Иран развива оружје со дострел од 8.000 километри, Израел вели тоа е голема закана

(ВИДЕО) По наредба на Трамп, во Чикаго пристигнаа припадниците на Националната гарда

Лебланк: Трамп и Карни постигнаа напредок во преговорите, договорите не се блиску

Израел нема да биде воодушевен од барањата на Хамас

ВИДЕО: Израел со снимки потсетува на нападот на Хамас и почетокот на војната во Газа пред две години

Катерина Ѓуровски