КФОР денеска соопшти дека на Косово пристигнал контингент од 200 британски и повеќе од 130 дополнителни војници од Романија, со цел зајакнување на силите на мисијата.
Како што се наведува во соопштението, 200 војници од првиот баталјон на полкот на кралската принцеза од Велс пристигнале од Велика Британија и се приклучиле на контингентот од 400 британски војници кои веќе се на Косово.
Во него се додава дека дополнителни војници пристигнале во Косово за да го зајакнат присуството на КФОР на север и да го подобрат патролирањето по административната линија, по „нападот врз косовската полиција на 24 септември и зголемувањето на тензиите во регионот“.