Следната недела ќе се одигра најважниот дел од дијалогот меѓу Белград и Приштина, кога ќе се одржи средба на премиерите на двете земји, изјави синоќа во Вашингтон високиот претставник за надворешна политика и безбедност на ЕУ, Кетрин Ештон по средбата со американскиот државен секретар Џон Кери.
Ештон се заблагодари на поддршката од Вашингтон и нагласи дека САД се многу важен партнер во напорите за пронаоѓање решение за косовскиот спор.
Кери од своја страна и честиташе на Ештон за посредувањето во дијалогот, во кој, според него, и натаму постојат предизвици.
– Таа вредно работи на поврзување на двете страни со цел да се дојде до трајно решение, додаде Кери.