Изетбеговиќ: Без СДА не може да се формира влада во Федерацијата БиХ

Од:

Претседателот на Партијата за демократска акција (СДА) Бакир Изетбеговиќ изјави дека владата во Федерацијата Босна и Херцеговина не може да се формира без СДА и Демократскиот фронт (ДФ) на Жељко Комшиќ.

„Федерална влада не може да се формира без СДА и ДФ. Па, само СДА доби повеќе гласови од сите три партии – Тројка (СДП, Народ и правда и Наша странка) заедно“, вели Изетбеговиќ во интервју за сараевскиот портал Фактор.

Тој додаде дека „Тројката“ може да продолжи, како што рече, со „детско инсистирање победничките партии да се повлечат на своја штета и да им овозможат да создадат владина структура во Федерацијата Босна и Херцеговина со ХДЗ, сервилно како што тие го создадоа Советот на министри со Хрватската демократска заедница на БиХ (ХДЗ БиХ) и Сојузот на независни социјалдемократи (СНСД), но дека на сите им е јасно дека нема ништо од тоа“.

„Со назначувањето на Советот на министри на БиХ без СДА, оваа можност падна во вода“, нагласи Изетбеговиќ.

Зборувајќи за новиот состав на Советот на министри на БиХ, лидерот на СДА оцени дека тоа е „најлошото свикување од потпишувањето на Дејтонскиот договор, што може само да ја промени траекторијата на БиХ на полошо“.

Извор: МИА

Би можело да ве интересира

Петмина Украинци уапсени за киднапирање на сириски државјанин во Сараево

Во БиХ е пронајдено девојче од Германија, жртва на трговија со луѓе

Земјотрес во БиХ, епицентарот во околината на Мостар: „Добро се стресе!“

Извлечени тела на жена и дете од коритото на Миљацка во Сараево

Горан Наумовски

Брисел и даде „зелено светло“ на БиХ за отворање на преговорите за пристапување во ЕУ

Горан Наумовски

По Црна Гора, земјотресот ја погоди и Босна и Херцеговина