По покана на албанскиот претседател Бајрам Бегај, денеска во дводневна официјална посета на таа земја ќе допатува претседателот на Италија, Серџо Матарела.
Како што информираа од кабинетот на Бегај, тој со сите државнчки почести, гостинот ќе го пречека во Тирана пред Палатата на бригадите.
За време на посетата, претседателот Матарела ќе оствари средби и со високи претставници на албанската држава.
Матарела е прв шеф на држава кој доаѓа во посета на Албанија по преземањето на функцијата претседател од страна на Бегај, на 24 минатиот месец. Тој пак Косово го избра за прва дестинацијата како шеф на албанската држава.
По Тирана, в четврток тој ќе отпатува за Скопје.
Извор: МИА