Со меѓунардна потерница, која ја распиша по барање на Обвинтелството за тешки кривични дела, Интерпол Тирана бара четворица албански џихадисти, за кои постојат основани сомненија дека се во Сирија.
Меѓународна потерница е распишана по Алмир Даци, Шкелзен Думани, Мехди Маналари и Шиќири Каца под обвинеие за потикнување и организирање на мрежата за регрутирање на муслимански верници во Албанија и нивно испраќање во Сирија, јави дописникот на МИА.
Претходно албанската полиција уапси деветмина меѓу нив и самопрогласените имами на џамијата „Нов прстен“ во Тирана и селската џамија во Мезез(во близина на Тирана), Генци Бала и Бујар Хиса, кои се главните организатори на регрутирањето и испраќањето албански граѓани на боиштата во Сирија. Сите деветмина се во притвор.
Во Сирија, официјално се борат и тоа на страната на силамските радикални групи најмалку 90 албански државјани, но бројката се смета дека е двапати поголема. Потврдено е дека на боиштата во оваа блискоисточна земја животите ги имаат изгубено девет албански државјани иако и за оваа бројка се врува дека е поголема.