Интерпол ја отфрли жалбата испратена преку НЦБ Интерпол Сараево, на барање на вонуставниот суд на Босна и Херцеговина за преиспитување на одлуката за неиздавање црвена потерница по раководството на Република Српска, дознава порталот „Проверено“.
Барањето беше одбиено со истото образложение како и првиот пат – станува збор за политички мотивирана акција и Интерпол, во согласност со член 3 од Статутот, не може да издаде потерница.
На 2 април, Интерпол одби да издаде црвена потерница за претседателот на Република Српска, Милорад Додик, и претседателот на Народното собрание, Ненад Стевандиќ.
После тоа, на 16 април, вонуставниот суд на Босна и Херцеговина побара преиспитување на таа одлука преку НЦБ Сараево, но и тоа барање беше одбиено.