Хрватска им препорача на своите граѓани да го напуштат источниот дел на Украина

Од:

Хрватска им препорача на своите државјани во источна Украина да ја напуштат областа, изјави денеска министерот за надворешни и европски работи Гордан Грлиќ Радман.

Тој истакна дека одлуката е донесена во интензивна комуникација со хрватската амбасадорка во Украина и следејќи ги искуствата на другите земји, пренесува агенцијата Хина.

– Ситуацијата е загрижувачка, но тоа не значи дека ќе ескалира. Се уште се прават дипломатски напори тоа да не се случи, нагласи Грлиќ Радман во Минхен, каде што учествува на безбедносна конференција.

Шефот на хрватската дипломатија пред неколку дена изјави дека во источна Украина има 25 хрватски државјани, но се претпоставува дека повеќето од нив досега си заминале.

Извор: МИА

Би можело да ве интересира

Двајца повредени од пожарот во Кочани пристигнаа на лекување во Загреб

Клучен разговор меѓу Трамп и Путин денеска

Макрон: Не ни треба руска дозвола за испраќање војници во Украина

Трамп утре ќе разговара со Путин за завршување на војната: „Веќе договараме за поделба на ресурси“

Катерина Ѓуровски

Москва предупредува: Времето истекува

На Москва не и се допаѓа специјалниот пратеник на Трамп за Украина и Русија