Косовскиот вицепремиер, Енвер Хоџај рече дека никогаш не споменал создавање на било каков пакт против Србија.
Како што наведе, насловот и она што го рекол во интервјуто за загребачкиот весник „Вечерњи лист“ се две сосема различни нешта.
„Никогаш не реков ништо за создавање на регионален пакт против Србија. Насловот на текстот и она што го реков се сосема различни работи“, рече Хоџај.
Информациите ги демантираше и премиерот Зоран Заев, кој кажа дека се оградува од било какви разговори, бидејќи тие не постоеле.
Претходно „Вечерње лист“ објави дека косовскиот вицепремиер Енвер Хоџај кажал оти во Македонија, Хрватска, Косово и Црна Гора се разговарало за пакт против Србија.