Косовскиот премиер Хашим Тачи денеска во Загреб ќе разговара со хрватскиот премиер Зоран Милановиќ, најавено е од хрватската влада.
Тема на разговорите, како што е најавено, ќе бидат односите во регионот и Европската Унија.
Тачи оди во посета на Хрватска, пет дена откако американската државна секретарка Хилари Клинтон, за време на посетата на Загреб, ја нарече Хрватска клучна за стабилноста во регионот.
Хрватските медиуми претпоставуваат дека Тачи од Милановиќ ќе бара помош околу преговорите со Србија.