Косовскиот премиер Рамуш Харадинај не доби американска виза и нема да може да присуствува на конференцијата за Балканот на почетокот на февруари, објави денес „Ал Џезера Балкан“ повикувајќи се на извори од Стејт департментот.
Харадинај претходно доби покана за учество во работата на конференцијата која што треба да започне на 6 февруари.
Сепак, неименуван извор од Стејт департментот потврди дека Харадинај не доби виза поради таксите кои Приштина ги воведе кон Србија и Босна и Херцеговина.
„Ал Џезера Балкан“ наведува дека и еден од организаторите на конференцијата потврдил дека Харадинај нема да може да присуствува на истата.
Претходно денес беше објавено дека Советот за национална безбедност на САД и Стејт департментот усвоиле документ во осум точки во кои од владата во Приштина бараат веднаш да се укинат таксите на стоката од Србија, а доколку не го сторат ќе следат санкции од САД.
Харадинај одговори дека Приштина ќе ги укине таксите откако ќе добие меѓународни гаранции дека финалниот договор со Белград ќе резултира со вземно признавање.