Лидерот на грчката партија Независни Грци Панос Каменос повторно го повика премиерот Андонис Самарас да одговори дали дозволил употреба на терминот Македонија во името на нашата земја.
Во својот говор од градот Вериа, Каменос го повика Самарас „итно да му одговори на Парламентот дали или не го отстапил терминот Македонија“.
– Самарас е обврзан да одговори дали го отфрлил ставот на владата во 1993 година дека е неприфатлива употреба на терминот Македонија. Сега како премиер потклекна и го дозволи терминот Македонија за сложено име и му кажа на министерот за надворешни работи да објави ? Ако се осмелува, нека одговори, рече Каменос.
Тој го обвини Самарас дека веќе четири недели одбива да одговори на ова прашање во Парламентот.
Лидерот на Независни Грци пред точно еден месец од парламентарната говорница упати прашање до премиерот Самарас дали ќе прифати сложено име со географска одредница за вкупна употреба во кое ќе го има и терминот Македонија.