Грција воведе нов систем за издавање електронски рецепти за лекови

Од:

Преку СМС порака на мобилните телефони или преку мејл, секој осигуреник во Грција ќе може да ги добива рецептите од лекарите, со воведениот нов систем за електронско издавање на рецепти за лекови, јави дописничката на МИА од Атина.

Новиот систем, денеска преку видеоконференција беше презентиран за време на состанокот на грчкиот Премиер Кирјакос Мицотакис со надлежните министри.

Мицотакис рече дека системот има тројна корист. За осигурениците, особено за хронично болните, нема да биде потребно да го посетат нивниот лекар, туку препишувањето на лековите ќе оди електронски.

Лекарите, од друга страна ќе бидат ослободени од формалните процедури што одземаат многу време, овозможувајќи им да се фокусираат на случаи за кои е потребна итна нега, особено кога се борат со коронавирусот.

А државата ќе има можност да ги следи фармацевтските трошоци и евентуалните нарушувања, доколку постојат.

Граѓаните, за електронски да добијат рецепта, ќе треба да се регистрираат на специјално изработен сајт, а откако ќе ги пополнат потребните податоци, на нивниот мобилен телефон преку смс или преку мејл, ќе добијат баркод, кој ќе го употребат за од аптека да го земат лекот.

Според официјалните информации, во 2019 година во Грција регистрирани се 5,26 милиони посети на осигурениците на некој од лекарите (околу 40 илјади) што издаваат рецепти.

Секоја година во Грција се издаваат околу 75 милиони рецепти.

Би можело да ве интересира

Ердоган го послуша гласот на народот- нема полициски час за време на викендот

Ана Ололовска

Поради коронавирусот во Словенија биле откажани голем број операции и медицински прегледи

Ана Ололовска

Мицотакис: Целта е до 2030 година едно од три нови возила во Грција да биде електрично

Ана Ололовска

Шпанија: Регионалната Влада на Арагон осудена за необезбедена заштитна опрема за здравствените работници

Ана Ололовска

Медицинска сестра од болницата во Јесенице заразена со коронавирусот

Ана Ололовска

Италија ни после 15 јуни нема да ги отвори границите за земјите надвор од ЕУ

Ана Ололовска