Српскиот производител на оружје Едепро склучил договор со војската на Грција за продажба на ракетите Г2000, со домет од 40 километри, базирани на проектилите за рускиот систем БМ-21 Град и наменети за стрелање од повеќецевни ракетни фрлачи.
Едепро настапи на меѓународниот саем во Атина заедно со уште една српска компанија, Грин пауер турбо системс, а според извештаите, тие заеднички презентирале најнови достигнувања од областа на ракетната техника, наведувањето и управувањето со проектили, вклучително и на турбомлазен погон.
Ракетите Г2000 и Г2000/52 првпат се прикажани во светската јавност на саемот за оружје ИДЕКС во Абу Даби во 2017 година.
Подобрената ракета има нов мотор и во однос на рускиот оригинал, има двојно поголем домет. Ракетите се компатибилни и можат да се лансираат од истиот систем како рускиот Град или словачкиот РМ-70.