Грчкиот пилот, кој глумеше тажен вдовец шест недели откако ја задушил сопругата, побара повеќе време да го подготви случајот додека ја започне постапката за укинување на доживотната казна.
Бабис Анагностопулос (35) пред судиите на Апелациониот суд во Атина изјави дека неговиот адвокат „се разболел и е во болница и не може да го застапува“ пред да побара одложување на случајот. Ново рочиште е закажано за 8 мај.
Неочекуваниот пресврт – ова беше трет пат да се одложува – наиде на лоши реакции во судницата каде пилотот беше придружуван без лисици и маски.
Адвокатот Александрос Папајоанидис им рече на новинарите доцна во неделата дека тој и неговиот клиент се подготвени да се изјаснат.
– Подготвени сме за судењето, кое знаеме дека ќе трае неколку недели. Очекуваме прво да бидат повикани сведоците на обвинителството и подготвени сме – рече тој.
Анагностопулос отслужува 27-годишна затворска казна за убиството на Керолин Крауч, која беше брутално задушена додека спиеше покрај нејзината ќерка Лидија на 11 мај 2021 година.
Го Убил и домашното милениче
Пилотот, опишан од психолозите како нарцисоиден и манипулативен, на своето прво судење минатата година, исто така, го убил својот миленик Рокси за да направи злосторството да изгледа дека е дело на безмилосни разбојници.
Полицијата го пронашла кученцето како виси на ограда во луксузното атинско предградие Глика Неро. Според новиот закон, тој беше осуден на 11 месеци затвор за убиството на кучето од расата хаски.
Студентката од прва година на Универзитетот во Пиреја, 19-годишната Керолин, полицијата ја пронашла на креветот, со модринки, претепана, како лежи покрај нејзината ќерка Лидија.
Пилотот бил пронајден во подножјето на креветот, со рацете и нозете покриени со селотејп.
Имаше детален план, но ..
– Кога обвинетиот се одврзал, седнал на креветот и почнал да ја допира жената.. ја турнал и ја прашал „душо, добро си? – им рече еден од полицајците на судиите за време на неговото судење минатата година.
– Изгледаше дека е во шок, но беше и неверојатно мирен. Ме замоли да му го дадам детето да го гушне – додаде тој.
Судскиот лекар подоцна заклучил дека младата Британка претрпела „мачна“ смрт од гушење кое траело повеќе од пет минути.
Полицијата почна да се сомнева во пилотот обучен во Британија само кога другите траги доведоа до ќорсокак, а новите докази обезбедени од паметниот часовник на Керолајн почнаа да покажуваат дека неговата верзија на настаните е преполна со недоследности.
Анагностопулос на крајот го призна злосторството за време на осумчасовното испрашување речиси шест недели подоцна.
Пилотот како еден од најозлогласените затвореници
Како еден од најозлогласените затвореници во Грција, пилотот беше затворен заедно со стотици други закоравени криминалци во Маландринос, затвор со максимална безбедност. Се верува дека убиецот на сопругата со месеци се подготвувал за сослушување во апелациониот суд.
Во понеделникот, тој им рече на судиите дека планира да полага приемен испит на универзитетот и се надева дека претстојниот процес на жалба нема да се меша во неговите планови. Папајоанидис во неколку наврати изјави дека ќе се обиде да ја намали казната на неговиот клиент со тоа што ќе докаже дека убиството не било со предумисла.
Πουκαμισάκι, 10 άντρες τις οπκε και εκαμ, ξέπλυμα … τελικά, ποιος είναι ρε παιδιά ο flying Babis? Ο πρόεδρος της Δημοκρατίας?!🙄#Γλυκά_Νερά pic.twitter.com/IIYlSJb93y
— Ele_nik_AnteRE🐍🐍 (@ele_nik13) June 22, 2021
– Она што се случи се случи во жарот на моментот. Тоа не било однапред смислено и она што ќе го докажуваме е дека сега треба да се земат предвид олеснителните околности – изјави адвокатот за Мирор.
– Бабиш работи во затворската менза, пишува. Неговото однесување е примерно – додаде адвокатот.
Минатата недела, таткото на Керолин, роден во Ливерпул, Дејвид го нарече својот поранешен зет „чудовиште“ за кое се надева дека ќе изгние во пеколот.
– Би сакал смртната казна уште да постои во Грција – изјави тој за локалната телевизија Мега, велејќи дека негов приоритет во животот е да ја воспитува Лидија како што би ја воспитувала неговата ќерка.