Хрватската претседателка Колинда Грабар-Китаровиќ изјави денеска дека ја смета важна соработката со Србија, при што е најзначајно, како што наведе, да се расветли судбината на исчезнатите лица.
Таа на прес-конференција по повод четвртата годишнина од положувањето заклетва како претседателка истакна дека како и досега е одлучна да ги поддржи Хрватите во БиХ во нивното настојување да ги остварат своите права кои им припаѓаат како конститутивен народ.
Грабар-Китаровиќ нагласи и дека го смета за важно решавањето на проблемите со Словенија.
Според неа, надворешната политика која ја промовирала уште од самиот почеток се заснова на колку е можно подобро позиционирање на Хрватска во ЕУ и НАТО.
– Имав само една цел, а тоа е гласот на Хрватска да се слушне, препознае и прифати, истакна хрватската претседателка.