Страшно злосторство го потресе Балканот. Марио (15) беше пронајден закопан на поле недалеку од српско-романската граница, во близина на Темишвар, а осомничени се момчиња на возраст од 13 и 15 години, кои несреќниот тинејџер ги познавал од претходно.
Марио исчезна во понеделникот, 19 јануари, кога, како што беше утврдено, се упати кон куќата на еден од осомничените за убиството со скутер.
13-годишното момче наводно го намами Марио во својот дом поканувајќи го да го види квадронот, кој неговиот татко, кој работи во странство, му го купил за новогодишните празници.
Кобната вечер, осомниченото момче (13) чекало неговата мајка да оди на работа во ноќната смена, по што тој и едно 15-годишно дете го поканиле Марио да дојде и да го види квадронот. Се верува дека тие го планирале убиството најмалку еден месец и дека мотивот за злосторството е љубомора.
Кога Марио пристигна, наводно прво вербално, а потоа и физички го нападнале. Момчињата му нанеле неколку смртоносни рани со ножеви и секира. Откако Марио починал, тие повикале друго 15-годишно момче да им помогне да го пренесат телото на поле, недалеку од куќата и таму да го закопаат.
Третото момче го натовари телото на градинарска количка, која потоа ја турнале во полето. Наводно го запалиле телото на Марио пред да ги спуштат остатоците во плитка јама, бидејќи немале сила да копаат подлабоко бидејќи земјата била замрзната.
„Беше евидентирано дека вечерта на 19 јануари, првиот осомничен малолетник, заедно со уште еден тринаесетгодишен малолетник (кој не е кривично одговорен), по добро разработен однапред утврден план што го направиле пред еден месец и чекајќи погоден момент, убиле петнаесетгодишно момче удирајќи го повеќе пати со секира и нож, додека биле во близина на зграда во Ченај. По убиството на жртвата, вториот осомничен исто така отишол на местото на злосторството. Сите тројца малолетници дејствувале заедно и го осквернавиле телото на жртвата со тоа што го запалиле, а потоа го закопале зад градината. Вториот осомничен активно им помогнал на првите двајца да се ослободат од телото, како и да ги избришат трагите од злосторството“, се вели во соопштението на Обвинителството.
Обвинителството смета дека момчињата го извршиле злосторството од љубомора, бидејќи Марио „имал повеќе од нив“ и се фалел со тоа.
Според оние што го познавале, убиеното момче било исклучително популарно и во училиште и во општеството. Еден од малолетните осомничени наводно „полудел“ бидејќи Марио имал „подобри патики и поскап телефон“.
Според медиумите, двајца 15-годишници се во притвор, додека помладото момче е ослободено, бидејќи не може да биде повикан на кривична одговорност поради неговата возраст.