Германскиот Бундесвер по 10 години се враќа во мисијата на ЕУ во БиХ- Алтеа

Од:

Германската влада одлучи Бундесверот повторно да учествува во мисијата на ЕУ за стабилизација на БиХ – Еуфор Алтеа.

По десет години германските војници ќе се вратат во БиХ, во мисијата во која учествуваа од 2004 до 2012 година.

Одлуката за испраќање војници во мисијата Еуфор Алтеа допрва треба да биде одобрена од Бундестагот.

Доколку Бундестагот го одобри учеството во мисијата, што е несомнено, првите 25 германски војници ќе бидат испратени во БиХ во август.

Потоа во Еуфор ќе бидат испратени до 50 војници, а нивниот мандат е ограничен до крајот на јуни 2023 година.

Мисијата на ЕУ – Еуфор Алтеа има мандат да се грижи за безбедноста и да дава поддршка во почитувањето на Дејтонскиот договор.

Моментално во мисијата на ЕУ учествуваат околу 2.000 војници од повеќе од 20 земји, а моментално со нив командува австрискиот генерал-мајор Антон Весели.

Многу западни земји, како и Германија, се загрижени дека БиХ може да биде дестабилизирана поради војната во Украина.

Извор: МИА

Би можело да ве интересира

Германската влада планира да испрати дополнителен број хаубици на Украина

А1он

Во Германија брзите Ковид тестови од 1 јули ќе се наплаќаат

А1он

Хабек: Можен е целосен прекин на испораките на гас за Германија преку Северен тек

Ана Ололовска

Нехамер: Босна и Херцеговина уште годинава може да добие кандидатски статус за членство во ЕУ

Ана Ололовска

Џаферовиќ: Побарав од ЕУ да и додели кандидатски статус на БиХ

А1он

Германската Влада го активира вториот степен од планот за вонредно снабдување со гас