Фатени шверцери на марихуана, со рибарски чамец ја пренесувале во Македонија од Албанија

Од:

Припадници на полицискиот комесаријат од албанскиот град Корча спречиле шверц на марихуана со рибарски чамец, од Албанија во Северна Македонија преку Охридското Езеро.

Уапсени се четири лица, браќата А.Т.(51) и А.Т.(43) жители на селото Пискупат, како и Р.С.(45) и Т.Б.(53) жители на Лин.

– Според сознанијата од едномесечната истрага, делувале како група, а марихуаната, пред да ја транспортираат во Северна Македонија, ја складирле во близина на мрестилиштето за коран, во Подградец, каде биле вработени двајца од уапсените. Потоа со рибарски чамец ја транспортирале преку езерото на македонска територија, стои во полициското соопштение.

Во акцијата „Рестарт 15″ запленети се 26 килограми марихуана, рибарски чамец, две патнички моторни возила и четири мобилни телефони.

За транспорт на дрогата наплатувале по 500 евра по килограм.

Ова е последователна, петнаесетта по ред, успешна акција на полицијата во рамки на операцијата „Рестарт”, во спречување шверц на марихуана од албанска на македонска територија преку Охридското Езеро.

Според полицијата, во соработка со македонската полиција, се работи на откривање и изведување пред лицето на правдата на останатите лица вклучени во оваа нелегална активност.

Би можело да ве интересира

Три лица загинаа во престрелка во Албанија, се трага по напаѓачите

Горан Наумовски

Три лица загинаа во престрелка во Албанија, полицијата трага по сторителите

Горан Наумовски

Директорката на албански ИНСАТ ги отфрли обвинувањата за манипулации со пописните резултати

ВИДЕО: Албански планинари го отстранија македонското и го закачија албанското знаме на врвот на Кораб

Катерина Ѓуровски

Земјотрес ја погоди Албанија

Горан Наумовски

УЕФА ја казни Албанија