Турскиот претседател Реџеп Таип Ердоган ги повика граѓаните во земјата никогаш да не купуваат француски производи, додека повторно го критикуваше францускиот претседател Емануел Макрон за неговиот однос кон муслиманите.
-Исто како што во Франција некои велат „не купувајте турски брендови“, јас од тука и се обраќам на мојата нација: пред сè, не обрнувајте внимание на француските брендови, не ги купувајте, рече Ердоган во својот говор во Анкара.
Ердоган во саботата рече дека Макрон има проблем со муслиманите и дека треба „да си го провери менталното здравје“, што доведе до тоа Французите да го повлечат амбасадорот од Анкара.
Тој упати слични коментари следниот ден и денес за време на говорот во Анкара.
Овој месец Макрон објави војна против исламистичкиот сепаратизам за кој верува дека влијае на некои муслимански заедници во Франција.
Турскиот претседател го спореди и односот кон муслиманите во Европа со оној кон Евреите пред Втората светска војна, обвинувајќи некои европски лидери за „фашизам“ и „нацизам“. „Кампања за линчување слична на таа против Евреите во Европа пред Втората светска војна се води против муслиманите“, рече тој.
„Европските официјални лица мора да кажат “стоп „за кампањата за омраза што ја води Макрон“, рече Ердоган.
Претседателот Макрон, кој е предмет на новата полемика со Турција и повикот за бојкот на француските производи во арапскиот свет, пушти неколку твитови во кои се потврдуваат неговите вредности, и особено се истакнува неговото одбивање на „говорот на омраза“.
-Слобода, ја цениме; еднаквост, ние го гарантираме тоа; братство, ние го живееме со интензитет. Ништо нема да нè натера да се повлечеме, никогаш, напиша Макрон, кој исто така твиташе верзии на англиски и арапски јазик.
-Нашата историја е борба против тиранијата и фанатизмот. Ни ќе продолжиме“, продолжува тој: „Ќе продолжиме. Ние ги почитуваме сите разлики во духот на мирот. Ние никогаш не прифаќаме говор на омраза и се залагаме за разумна дебата. Ќе продолжиме. Ние секогаш ќе застанеме на страната на човечкото достоинство и универзалните вредности“.