Турските власти издадоа налози за апсење на 42 новинари и притворија 31 академик, во рамките на акциите против луѓето кои наводно се поврзани со неуспешниот воен удар, кој неодамна се случи во државата.
Меѓу новинарите кои се барани, е и истакнатата писателка Назли Иличак, која беше критична кон претседателот Реџеп Таип Ердоган, соопштија турските медиуми. Петмина новинари наводно веќе се притворени.
Досега имаше околу 13 илјади апсења на осомничени лица, кои наводно се поврзани со пучот во Турција.